Бразилскиот голгетер стана познат по ноќниот живот кој го водеше во Мадрид, а сега прозборе за популарните забави поради кои често беше мета на медиумите.
Роналдо во Реал Мадрид настапуваше 5 сезони, од 2002/03 до 2006/07. За тоа време бурниот ноќен живот му правеше проблеми бидејќи во медиумите излегуваа најразно-разно верзии за тоа што се случувало на неговите забави, а најчесто работите беа крајно претерани.
„Постои легенда за тоа како беше. Секогаш се велеше дека премногу сум се забавувал, но не беше така. Секогаш се однесував одговорно, секогаш гледав да не си ја нарушам физичката подготвеност“, вели „стариот“ Роналдо во интервју за Movistar+ кое го водеше прославениот поранешен шпански фудбалер Хорхе Валдано.
„После секоја победа, јас сакав да прославам, а ние секогаш победувавме и тоа беше проблем! Но, медиумите премногу ги преувеличуваа работите во однос на тоа што се случуваше“.
„Беше неверојатно. Реал Мадрид и Мадрид е најдобрата комбинација на град и тим која некој може да ја најде во животот“, вели бразилскиот ас на кого и друштвото тоагп му се погоди бидејчи таму беше и Дејвид Бекам со Викторија.
Роналдо денес е претседател на Ваљадолид. Кариерата за заврши во 2011 година во дресот на Коринчјанс, а настапуваше и за Крузејру, ПСВ, Барселона, интер и Милан.
Во Реал го мина најдоброто време, на теренот (а, ете, и на забавите) постигнувајќи 104 голови на 177 натпревари.
