Поранешниот англиски репрезентативец Вејн Руни оцени во колумна за лондонскиот весник Sunday Times дека неговите сонародници се фаворити против Италија во вечерашното финале на ЕУРО 2020.
Руни, кој во кариерата одигра 125 натпревари во англискиот дрес, истакна дека клучно за освојување на првата европска титула во историјата на англискиот фудбал ќе биде избраниците на селекторот Герет Саутгејт да наметнат своја игра на стадионот „Вембли“.
– Моето предупредување е да не бидиме фатени во италијанската стапица и начинот на кој тие ќе се обидат да ја успорат играта. Доколку јас сум на местото на Герет би ги советувал англиските фудбалери да играат брзо и ниско по земја, да одржуваат високо темпо на игра и да ги принудат италијанските играчи преку постојано трчање да попуштат на физички план, истакна актуелниот тренер на Дерби Каунти во својата авторска колумна за Sunday Times.