Легендарниот Англичанец Вејн Руни реши привремено да ја прекине својата неуспешна тренерска кариера и да стане боксер.
По фантастичната играчка кариера, Руни се испроба во тренерската работа. Прво го менаџираше Дерби Каунти каде доби отказ по испаѓањето од Чемпионшип, потоа неуспешно ја водеше МЛС франшизата ДиСи Јунајтед, а на 2 јануари по само 15 натпревари беше избркан од Бирмингем со кој беше последен во Чемпионшип.
Руни реши да направи пауза во својата тренерска кариера, се посвети на коментирање на натпревари, а она за што пишуваа британските новинари претходните денови се покажа точно - славниот голгетер станува боксер.
Руни, кој во своите помлади денови беше член на аматерски боксерски клуб во родниот Ливерпул, е во завршни преговори со борбената организација Misfits во сопственост на KSI, 30-годишник кој гради кариера како инфлуенсер, боксер, актер, музичар...
KSI, кој има 4 победи во 5 боксерски меча, потврди дека борбата со Руни е блиску, а откри што му кажал Вејн пред две години.
Мислам дека би можеле да заработиме многу пари. Ќе го распродадеме целиот стадион“, му рекол тогаш Руни, а според сите пресметки, борбата ќе биде летово.