Русија со нов дискриминаторски закон: Не смее ни да се зборува за ЛГБТИК луѓето

Руските пратеници ги поддржаа амандманите на постоечкиот закон со кој се забранува дискусија за односите и прашањата на ЛГБТИК јавно или на интернет помеѓу возрасни и деца.

Долниот дом на рускиот парламент во четвртокот во трето читање го усвои дискриминаторскиот закон со кој им забранува на Русите да промовираат „ЛГБТ пропаганда“.

Руските пратеници ги поддржаа амандманите на постоечкиот закон со кој се забранува дискусија за односите и прашањата на ЛГБТИК јавно или на интернет помеѓу возрасни и деца. Долниот дом на рускиот парламент во четвртокот во трето читање го усвои дискриминаторскиот закон со кој на Русите им се забранува да промовираат „ЛГБТ пропаганда“, пишува Deutsche Welle.

Потегот на руската Државна дума, долниот дом на Парламентот, го продолжува законот од 2013 година со кој на луѓето им се забранува да разговараат за хомосексуални односи.

Предлог-законот треба да биде разгледан од Горниот дом на рускиот парламент и да го потпише претседателот Владимир Путин пред да стане закон.

Руските пратеници се согласија дека сите физички лица може да бидат казнети со парична казна до 400.000 рубли (6.346 евра), а правните лица до 5 милиони рубљи (79.985 евра) доколку „промовираат или фалат“ ЛГБТ односи.

Според законот, странците може да бидат уапсени до 15 дена или депортирани.

Секој настан или чин за кој се смета дека е обид за промовирање на правата на ЛГБТИК луѓето, вклучително и филмови, книги или реклами, може да биде казнет, ​​според законот.

Александар Хинштајн, еден од архитектите на законот, минатиот месец рече дека „ЛГБТ денес е елемент на хибридна војна и во оваа хибридна војна ние мора да ги заштитиме нашите вредности, нашето општество и нашите деца“.

Додека руските пратеници го прикажуваа законот како судир на цивилизациски вредности и се обидоа да го поврзат со војната во Украина, дописникот на DW, Јуриј Решето, минатиот месец објасни дека законот не промени ништо суштински, туку ја влоши „веќе тешката ситуација“. "

Групите за човекови права и критичарите на законот, исто така, силно го критикуваа нацрт-законот, нарекувајќи го обид за понижување и дискриминација на малцинската заедница.

Членовите на руската ЛГБТИК заедница велат дека се навикнале на хомофобијата спонзорирана од државата, но стравуваат за својата безбедност според новите ограничувања.

Во врска со тоа, TikTok беше казнет со 3 милиони рубли минатиот месец за промовирање на „видеа со ЛГБТ тематика“.

Тагови
реклама

Свет

Русите до Американците по нападот врз Трамп: Ова станува традиција

Read more

Екстремно десничарската Vox излезе од власта во пет клучни шпански региони

Read more

20-годишниот Томас Метју Крукс е атентаторот на Трамп, Тајната служба го застрела

Read more

Обид за атентат врз Трамп, двајца мртви

Read more
 

Вести

Србинка со повреди забележана покрај автопатот кај Демир Капија, сопругот ја исфрлил од возилото

Читај повеќе

Да запрат прес-конференциите на отворено среде топлотниот бран, порача Синдикатот на новинарите

Читај повеќе

Aпасиев како нов претседател на Собраниската Анкетна комисија најави соработка со експертите и невладиниот сектор

Читај повеќе

Русите до Американците по нападот врз Трамп: Ова станува традиција

Читај повеќе

Екстремно десничарската Vox излезе од власта во пет клучни шпански региони

Читај повеќе
  • play_arrow

20-годишниот Томас Метју Крукс е атентаторот на Трамп, Тајната служба го застрела

Читај повеќе
  • play_arrow

Обид за атентат врз Трамп, двајца мртви

Читај повеќе

Температури до 42°C, попладне пороен дожд и грмежи

Читај повеќе

Бебе оставено среде центар во Велес, случаен минувач го однел во болница

Читај повеќе