Руските власти објавија дека руски борбен авион Su-35 пресретнал два американски бомбардери над Балтичкото Море.
Руската амбасада во САД синоќа соопшти дека Su-35 ги пресретнал американските бомбардери B-52 кои летале кон руската граница. Руската државна новинска агенција ТАСС објави дека Националниот контролен центар за одбрана на руското Министерство за одбрана ги идентификувал двата американски авиони како стратешки бомбардери B-52Х.
„На 20 март 2023 година, радарите на дежурните сили за противвоздушна одбрана на Западниот воен округ открија две воздушни цели кои летаат во правец на државната граница на Руската Федерација над Балтичкото Море“, соопшти Министерството, пренесува ТАСС.
Борбениот авион Su-35 бил пратен за да се спречи „прекршување на државната граница“ од страна на американските авиони, соопшти Министерството, додавајќи дека авионот стигнал до „зоната на воздушната патрола“.
„Откако странскиот воен авион се оддалечи од државната граница на Руската Федерација, рускиот авион се врати во својата база“, соопшти Министерството, додавајќи дека Su-35 е во строга согласност со меѓународното воздушно право.
„Не е дозволено прекршување на државната граница на Руската Федерација“, соопшти Министерството.
Во меѓувреме на социјалните мрежи се појави видео. Автентичноста на снимката не е потврдена.
