Скопје, 2 октомври 2018 (МИА) – Руската амбасада во Македонија реагираше на текст објавен во британски „Гардијан“ во врска со референдумот за името во Македонија.
Обвинувајќи ја Русија за неуспехот на референдумот во Македонија, значи дека постои недостиг на експертиза или намерно потценување на македонскиот народ, објави денеска Амбасадата на Русија во Македонија на својот Твитер профил, како реакција на текстот во „Гардијан“, во кој се вели дека референдумот во Македонија бил уште една победа за Русија.
- Како и да е, ниту едното ниту другото не е добро за вашата репутација, наведува Амбасадата на својот профил на Твитер.