Саботажа или дефект: Никој не знае како се оштети гасоводот Северен поток 

Кремљ денеска соопшти дека не ја исклучува можноста штетата на гасоводите „Северен поток“ во Балтичкото море да е предизвикана од саботажа, додека Европската комисија вели дека е прерано да се шпекулира за причината за истекувањето на гас во два гасоводи кои се наменети за испорака на гас од Русија до Европа.

Nord Stream AG, операторот на гасоводот, претходно во вторникот објави дека три морски линии Северен поток претрпеле „невидена“ штета за еден ден.

„Ниту една опција не може да се исклучи“, рече портпаролот на Кремљ, Дмитриј Песков, на прашањето за можноста за саботажа.

Тој додаде дека Кремљ е многу загрижен за оваа ситуација, која бара брза истрага, бидејќи таа претставува проблем за енергетската безбедност на „целиот континент“.

Европската комисија внимателно го следи развојот на настаните и засега не гледа никакво влијание врз безбедноста на снабдувањето на Европа, изјави портпаролот на Комисијата.

„Во оваа фаза, многу е прерано да се шпекулира кои се причините... Земјите-членки го разгледуваат ова прашање, ние ќе останеме во близок контакт со нив, но ова навистина не е време за шпекулации“, рече тој на редовна прес-конференција.

Шведската поморска управа во вторникот предупреди на две истекувања на рускиот гасовод Северен поток 1 во шведските и данските води, набргу откако беше откриено истекување и на гасоводот Северен поток 2.

„Има две протекувања на Северен поток 1 - едно во шведската и едно во данската економска зона. Тие се многу блиски еден до друг“, изјави портпаролот на Шведската поморска управа (SMA).

Истекувањето било лоцирано североисточно од данскиот остров Борнхолм, изјави портпаролот, додавајќи дека не ја знае причината.

Во понеделникот данските власти побараа од бродовите да се држат надвор од радиус од пет наутички милји југоисточно од Борнхолм по истекување на гас од неактивниот гасовод Северен поток 2.

Притисокот во гасоводот Северен поток 2, кој требаше да ги удвои испораките на руски гас за Германија, нагло се намали во текот на ноќта од недела до понеделник од 105 на седум бари, изјави во понеделникот портпаролот на операторот.

Гасоводот Северен поток 2 требаше да испорача руски гас преку Балтичкото Море до Германија и беше завршен на крајот на минатата година. САД се спротивставија на тоа, тврдејќи дека тоа ќе ја зголеми зависноста на Европа од рускиот гас. Истата беше критикувана и од Украина, жалејќи се дека ќе изгуби приход од транзитот на рускиот гас.

Германија го „стави на мраз“ поради руската инвазија на Украина и се обидува да најде нови извори за снабдување со гас. Во времето кога германскиот канцелар Олаф Шолц го блокираше поради руската инвазија на Украина, во гасоводот се чекаше испорака на 300 милиони кубни метри гас, наведува Reuters.

Балтичкиот гасовод, нов подморски гасовод што испорачува норвешки гас во Полска со годишен капацитет од 10 милијарди кубни метри дневно, треба да биде отворен денеска.

реклама

Падна нов договор за цената на руската нафта

Read more

Експерименталната вакцина против ХИВ е успешна кај 97% од испитаниците

Read more

Нефудбалските моменти меѓу Србија и Швајцарија: Провокации на сите страни

Read more

Бојата на столицата може да открие дали имате висок холестерол

Read more

Бизнис

Падна нов договор за цената на руската нафта

Read more

НЛБ Банка прогласена за „Банка на годината за 2022“ од The Banker

Read more

H&M ќе отпушти 1.500 вработени

Read more

ЕУ ќе бара до 2030 година сите амбалажи да може да се рециклираат

Read more
 

Вести

МВР: Немало закани, ниту напад кон полициски службеници во Арачиново

Читај повеќе

Украдено возило на Итната помош во Општата болница во Кочани

Читај повеќе

Дали Путин ќе ги искористи мировните преговори за обнова на армијата?

Читај повеќе

Претставен новиот нуклеарен бомбардер B-21 на американската армија

Читај повеќе

Магла на Стража

Читај повеќе

Падна нов договор за цената на руската нафта

Читај повеќе

Колку украински војници во моментов се обучуваат во ЕУ?

Читај повеќе

Стојковски: Долгот кон приватните превозници е наследен

Читај повеќе

Облачно со слаб до умерен ветар

Читај повеќе