САД и Европската Унија се согласија да ги замрзнат сите царини во износ од повеќе милијарди долари, воведени во врска со трговскиот спор Boeing - Airbus, за период од четири месеци, изјави претседателката на Европската комисија, Урсула фон дер Лајен.
– Се радувам што попладнево разговарав со претседателот Џо Бајден, прв од многуте размени и почетокот на добро лично партнерство. Двајцата се согласивме да ги замрзнеме сите наши царини наметнати во врска со спорот Boeing - Airbus, како за авиони, така и за невоздухопловни производи, за почетен период од четири месеци, истакна Фон дер Лајен.
Претходно, американски медиуми објавија дека Boeing се обратил до група банки за нов заем за закрепнување во вредност од 4 милијарди долари, бидејќи производителот на авиони се бори со продолжено одложување на комерцијалното авионско патување поради пандемијата на COVID-19. Американскиот производител на авиони на тој начин ќе го зголеми размерот на двегодишниот кредитен механизам на дури 6 милијарди долари.
