Сателитски снимки покажуваат дека Русите го поправаат Кримскиот мост, се работи на реконструкција на градбата и зголемен е сообраќајот во непосредна близина.
Мостот е единствената врска меѓу окупираниот Кримски полуостров и Русија. Фотографиите направени од Maxar Technologies покажуваат дека во тек се поправките и обнова на мостот. Може да се видат помали возила како патуваат додека камионите се превезуваат со траекти.
Приоритет е железничката секција, бидејќи тој вид транспорт и понатаму е главна линија за снабдување за руската војска.
ФСБ вчера за експлозијата на мостот го обвини украинското Министерство за одбрана. Уапсени се 8 лица од кои 5 руски државјани и три државјани на Украина и на Ерменија.