Англиските фудбалски репрезентативци, според тамошните таблоиди, следното лето ќе имаат многу одвлекувања на вниманието.
Netflix наводно ќе снима документарен филм за животите на сопругите и девојките на фудбалерите, популарно наречен WAGs.
Селекторот Гарет Саутгејт беше запрашан од новинарите дали мисли дека ова ќе им го одвлече вниманието на играчите кои треба да се подготват за Светското првенство.
„Тоа не е баш моја област. Но, мислам дека нема да го одвлече вниманието на играчите кои сакаат да се фокусираат на фудбалот, како што беа фокусирани во Русија. Сакаме да ги вклучиме семејствата во нивните подготовки и мислиме дека тоа е важно. Мислам дека терминот WAGS е доста навредлив, се работи за нивните партнерки и семејства. Сакаме тие да бидат таму. Репрезентацијата е всушност едно големо семејство, барем ние се трудиме да бидеме“, изјави Саутгејт за Sky Sports.