Македонските граѓани остануваат заробени во сопствената држава откако денеска во Собранието не поминаа измените на законот за продолжување на рокот на пасошите со старото име.
Со 54 гласови „Против“ и 46 „За“ не поминаа измените кои ќе им овозможеа на граѓаните да излезат од земјава со своите важечки пасоши, но со старото име Република Македонија.
Владејачката коалиција СДСМ-ДУИ гласајќи против не даде поддршка на измените.
Досега само Швајцарија официјално ја имформираше земјава дека продолжува да ги признава старите пасоши чиј рок не е истечен, а пред некој ден амбасадорката на Хрватска во земјава информираше дека и во оваа земја македонските државјани нема да имаат проблем.
Останатите земји-членки на ЕУ поединечно ќе се изјаснуваат како ќе се однесуваат кон важечките пасоши со старото име.
Во земјите од регионот (Албанија, Србија, Босна и Херцеговина и Косово) македонските граѓани можат да влезат со важечки лични карти со старото име.