Дали виното е повкусно кога го пиете од убава чаша на тераса во хотел со прекрасен поглед или сте дома, со филџан и пред телевизорот? Британскиот синџир продавници за вино Majestic со намера да го дознае токму тоа, е во потрага по човек кому ќе му плати 240 евра за да биде дел од ова уникатно истражување.
Избраниот „практикант“ прво ќе оди на Пиринејскиот Полуостров на три дена, со платени летови и сместување. Тој/таа ќе добие кутија вина произведени во Шпанија и Португалија. По тоа патување, ќе го добие истото вино за да го проба дома, па да види дали може да вкуси и искуси некаква разлика.
„Не е потребно претходно искуство, само отворен ум, љубов кон убавото шише и пасош“, велат од Majestic.
Заинтересираните ќе треба да пополнат апликација на веб-страницата на споменатата продавница за вино, којашто е отворена само за жителите на Обединетото Кралство. Како што се наведува, пријавувањето трае до 19 август, а среќникот ќе го почне своето патешествие во септември.
