Кристијано Роналдо го постигна првиот гол сезонава во Премиер лигата. Му донесе победа на Манчестер Јунајтед на гостувањето кај Евертон (1:2).
Португалскиот напаѓач оваа сезона ја намали минутажата.
Во последниот преоден рок сакаше да го напушти Манчестер Јунајтед, но не се појави доволно добра понуда за него и клубот.
Сега The Sun објави дека Интер Мајами, клубот на Дејвид Бекам кој се натпреварува во американската МЛС, се обидува да го доведе 37-годишниот Роналдо.
Единствениот услов што го има Интер Мајами е Роналдо пред тоа да го раскине договорот со Јунајтед и да замине во САД како слободен играч.
Целта на Роналдо минатото лето беше трансфер во клуб кој се натпреварува во Лигата на шампионите, па не е сигурно дали би се согласил да замине во Мајами или во јануари ќе се обиде да најде европски клуб.
