Исклучително реткото Porsche 911 RSR од 1974 година со интересна сопственичка историја е понудено на продажба преку групацијата Atlantis Motor.
Само 15 примероци од Porsche 911 RSR беа произведени за серијата International Race of Champions, 12 беа користени за трки, а три беа резерви.
Автомобилот на фотографиите го возеше Емерсон Фитипалди за време на првата трка од серијата и ја освои пол-позицијата. Сепак, тој доцнеше на состанокот на возачите пред трката и беше казнет со преселба на 11-тата стартна позиција.
Кога трката започна, светскиот шампион во Формула 1 започна да се пробива до врвот, но тој ја заврши трката предвреме бидејќи излета од патеката по што дојде до истекување на гориво.
Автомобилот подоцна беше продаден и продолжи да се користи во споменатата серија до 1978 година. На трката 12 Hours of Sebring во 1976 година, тој заврши на 23-тото место.
Познатиот наркобос Пабло Ескобар подоцна го купи автомобилот, по што се користеше на четири трки од колумбискиот шампионат Copa Renault 4. По смртта на Ескобар, историското Porsche заврши во магацин, а потоа беше вратено во САД и целосно реставрирано.
Цената на автомобилот денес е 2,2 милиони долари.
