Од Зоолошка градина Скопје денеска соопштија дека имаат принова, денеска се родило лемурче, а вчера лама.
– Прстеноопашестите лемури од Мадагаскар се загрозен вид и ретко се множат во зоолошките градини, но во Скопје имаме благослов секоја година да ни се раѓаат по неколку лемурчиња. Да ни е живо и здраво бебето, напишаа од Зоолошка градина Скопје на нивниот Facebook профил.
Вчера соопштија дека добиле подмадок и кај ламите.
Пред еден месец, во скопската Зоолошка градина се родија бели лавчиња, како и малото гибонче Мики.
