Шпанската компанија SEAT за 2025 година подготвува мал електричен кросовер.
Новиот модел ќе има електричен погон и ќе биде базиран на модифицираната MEB-Lite платформа наменета на компактните возила која ќе ја користат Volkswagen ID 1 и ID 2, модели кои претходно ќе се појават на пазарот.
Шефот на SEAT, Вејн Грифитс првпат го најави планот за компактниот електричен модел во февруари. Претходно кажа дека компактниот електричен автомобил ќе биде „иднината на автомобилската индустрија во Шпанија“.
Додаде дека SEAT и Cupra ќе помогнат електричните автомобили да бидат достапни до повеќе луѓе, па затоа ќе понудат градски, мал, електричен автомобил, а на овој проект работат заедно со Volkswagen.
Верзиите за дизајнот се завршени, а новиот модел веројатно ќе биде најавен оваа година. Целта е да биде подготвен за пазарот до 2025 година.
