Односите помеѓу САД и Северна Кореја жестоко се обвинуваат меѓусебно за тоа кој е поголемиот негативец, а последните навреди дојдоа по самитот на кој се сретнаа преставници на САД и Јапонија.
Севернокорејските владини медиуми го нарекоа Доналд Трамп „луд старец кој само сака да започне војна“ откако тој не сакаше да ги негира изјавите дека би можел да употреби оружје против Северна Кореја.
Коментарите на про-владините медиуми од Северна Кореја дојдоа откако Доналд Трамп се сретна со јапонскиот премиер Шинзо Абе, и двајцата останаа цврсто на своите ставови дека доколку е потребно, воено ќе интервенираат против Северна Кореја.
„Некои луѓе сметаат дека мојата реторика е премногу силна, но видете што се случи со слабата реторика која беше водена во минатите 25 години. Уште сметам дека Северна Кореја е закана за цивилизираниот свет и треба да се преземе нешто по повод тоа“, рече Доналд Трамп.
Шинзо Абе не беше толку строг со критиките, но сепак рече дека ниту една опција не е отпишана кога е во прашање Северна Кореја, и дека Јапонија ќе одговори на провокациите на начин на кој најмногу ѝ одговара на земјата.