Иако бројот на автомобили со рачен менувач на патиштата постојано опаѓа, една од основните вештини на секој возач е правилното менување брзини.
Ова е една од постапките што претставуваат голем, понекогаш и најтежок проблем за учениците во автошколите. Покрај тоа што треба да го следат сообраќајот и да ја прилагодат брзината, новите возачи исто така мора правилно да го погодат оптималното менување на брзини. Тоа е вештина што се совладува со вежбање и слушање на моторот, и со тек на време станува целосно автоматизирана и не бара многу напор од возачот. Се разбира, под услов да не возите стар автомобил со лабав менувач.
Но, тоа е друга приказна. Автошколата ќе ве научи како правилно да го користите менувачот за оптимално менување на брзините, како и кога е најдобро да ги менувате брзините.
Но, едно е теорија, а друго е во пракса.
Особено откако ќе се усвојат одредени навики, од кои некои не се најдобри. Начинот на кој возачот ќе ја смени брзината, особено во однос на вртежите на моторот, во голема мера влијае на удобноста при возењето, потрошувачката, но и на издржливоста на некои делови на автомобилот.
Една од највообичаените навики е прескокнување на две или повеќе брзини. Во видеото подолу, Џејсон Фенске објаснува што се случува при промена на брзините и зошто не е добро да се прескокне редоследот на брзините, на пример префрлање од втора во петта брзина и обратно.
Конечно, тука е прашањето за стартување во втора брзина.