Најдобриот играч на ПСЖ, Килјан Мбапе речиси се договорил за трансфер во Реал, а мадридски AS открива што бара капитенот на француската репрезентација од кралскиот клуб за да потпише за нив.
„Бројките на кои францускиот капитен инсистира во Реал се значително помали од оние што ги добива во Париз, но сепак се баснословни. Мбапе бара од Реал 120 милиони евра само за да го потпише договорот. Толку сака бидејќи доаѓа без обештетување, па Реал ќе заштеди на него во овој поглед. Тој бара и годишна плата од 50 милиони евра бруто. Во нето износ е 25 милиони евра. Бара и голем број бонуси поврзани со бројката на голови, освоени индивидуални и тимски трофеи, а најмногу оние поврзани со употребата на имиџот“, пишува AS.
Мбапе моментално е во ПСЖ, според договорот кој го продолжи пред две години и кога за потпис доби 130 милиони евра, заработува 72 милиони евра бруто годишно.
„На тоа треба да се додадат бонуси за лојалност кои растат секоја година кога тој останува во Париз. Првата година доби 70 милиони евра. Втората година требаше да добие 80 милиони евра, а третата 90 милиони евра. Сепак, без последните две бројки тој ќе остане. Мбапе има џентлменски договор со претседателот на ПСЖ, Насер Ал Келаифи, и согласно тој договор мора за одлуката каде ќе ја продолжи кариерата да го извести претседателот на францускиот првак“, додава AS.
Да потсетиме, Мбапе за ПСЖ на 289 натпревари постигна 242 гола и постави 105 гола, но по седум години како слободен играч го напушта клубот од Париз на крајот на сезоната.
