Уставниот суд во Шпанија донесе одлука за суспензија на седницата на каталонскиот парламент, која беше закажана за понеделникот.
На оваа седница се очекуваше локалните лидери еднострано да ја прогласат независноста на Каталонија од Шпанија.
Како што пишуваат шпанските медиуми, оваа одлука доаѓа откако Каталонската социјалистичка партија правно ја оспорила седницата, противејќи се на нејзино одржување.
Премиерот на Шпанија, Маријано Рахој го повика каталонскиот лидер Карлес Пучдемон да се откаже од плановите за еднострано прогласување на независност во тој регион од Шпанија, за да „избегнат поголемо зло“.
Претседателот на шпанската влада во интервју со шпанската агенција EFE изјави дека решението за каталонската криза е итно враќање по легалните токови.
„Што побргу да соопштат дека нема да има еднострано прогласување на независност, затоа што со тоа исто така ќе избегнат поголемо зло“, изјави Рахој, не објаснувајќи на што точно мисли.
