Дали некогаш сте се прашале што би се случило со Земјата ако апсолутно сите луѓе едноставно одеднаш исчезнат? Какво сценарио би се случило со нашата планета, во која насока би се движела таа приказна?
Одговорот на тоа исклучително интересно прашање се обиде да го открие тиктокерот позади профилот learn videos кој се потрудил и го разработил најверојатниот развој на настаните. Па, еве што би следело според неговиот модел:
„Неколку часа откако човештвото би исчезнало, светлата ширум светот би почнале да се гасат бидејќи повеќето електрани работат на фосилни горива. Се разбира, без луѓе би немало кој да се грижи за нив и тие ќе престанат да работат.
Приближно 48 часа откако ќе забележат ненадеен пад на потрошувачката на енергија, нуклеарните централи ќе се префрлат на таканаречениот „безбеден режим“. Ветерниците би престанале да работат, а соларните панели би станале бескорисни поради наслагите прашина.
Така, речиси сите региони, освен оние поврзани со хидроцентрали, брзо би се нашле без извори на енергија. Понатаму, два-три дена откако би ги немало луѓето, повеќето метро станици би биле поплавени бидејќи пумпите не можат да работат без наша интервенција.
Иднината на животните
Оние животни кои некако би успеале да побегнат во природата би се нашле во сосема нова реалност, во брутална битка за опстанок, а веќе нема да има место за „украсни“ раси на кучиња. Тие би исчезнале затоа што, на пример, кратките шепи на булдогот би се покажале како смртоносна маана.
Еден месец по нашето исчезнување, целата вода наменета за ладење на нуклеарните централи ќе испари. А тоа би довело до серија екстремно моќни експлозии и големи катастрофи, многу помоќни од Чернобил.
Милиони животни би умреле од рак, но планетата сепак би можела лесно и брзо да се опорави од радиоактивната контаминација.
По 25 години, три четвртини од плоштадите и патеките би биле покриени со вегетација. А каде што има растенија, има и тревопасни животни. А каде што има плен, има и предатори. Преживеаните кучиња ќе почнат да се вкрстуваат со волци и да влегуваат во некогашните градови.
Без нас воздухот би се прочистил. Во некои градови, видливоста би се подобрила многукратно.
Сепак, градовите како Дубаи и Лас Вегас би биле закопани во песок. Пустината ќе си го земе она што отсекогаш ѝ припаѓало. Исто како и остатокот од природата.
На некои ќе им биде драго што нѐ нема
По 300 години, металните конструкции како што е Ајфеловата кула ќе почнат да се распаѓаат бидејќи нема да има кој да ги бојадиса и да ги заштити од корозија. Сите високи згради ќе паднат, а огромни мочуришта, како оние што ги покриваат САД, повторно ќе се појават.
И на големите морски животни би им било мило да не нè видат повторно. На пример, без присуство на луѓе, популацијата на китови би се зголемила.
После 10.000 години, единственото нешто што би потсетувало на човековото постоење би биле остатоците од камени градби. Ќе има пирамиди, Кинескиот ѕид, планината Рашмор...
За 50 милиони години, пластичните шишиња и парчињата стакло ќе бидат последното нешто што ќе остане од нас, а во следните 50 милиони години и тоа ќе исчезне.
„Да, нашата планета може без нас, но ние не можеме без неа“, заклучува авторот на видеото.
@learnvideos_ Part1/2 Part 2 tomorrow #viral #fy #fyp #coment #like #follow #humans #disappeared
♬ original sound - Learn
@learnvideos_ Reply to @inanckacan Part2/2 new Thema tomorrow #viral #fy #fyp #coment #like #follow #humans #disappeared #learn #part2
♬ original sound - Learn
