Бескрајна, речиси безживотна песочна пустелија - тоа е првата асоцијација која паѓа на ум при спомнувањето на Сахара. Но, пустината е многу повеќе од тоа и крие еден куп тајни.
Верувале или не, до пред 6 илјади години Сахара била бујна зелена вегетација полна со живот, а имало и реки и езера.
Сахара се простира на површина од околу 9.000.000 км² и важи за најголемата сува пустина во светот. Нејзиното име доаѓа од арапскиот збор صحراء и значи едноставно „пустина“.
Благодарение на сателитските снимки можеме да погледнеме не само под песокот, туку и во минатото на Сахара. Тие ни откриваат огромна река која се влевала во Атлантскиот Океан, како и огромно езеро, двете одамна исчезнати.
Но, Сахара крие и праисториски свет. Скелети од диносауруси сведочат за бурното минато на тогаш зелената долина.
Како тогаш Сахара од зелена станала пуста и ненаселена? Едноставно - климатски промени. А, за тоа, вината може да се бара на повеќе места. Почнувајќи уште од добитокот, накосеноста на самата планета, количината на сончеви зраци и, нормално, човекот, вината за тоа што денес е Сахара лежи во многу причини.
