Црешите се добар извор на витамини како А, Б1, Б2, Б3, Б6, Ц и К и минерали калиум, калциум, железо, бакар, манган, магнезиум, фосфор и цинк. Но, дали е добро да изедете повеќе од 20 цреши дневно?
Експертите предупредуваат дека не треба да претеруваме и јадеме повеќе цреши одеднаш бидејќи можат да делуваат лаксативно и да предизвикаат лошо варење.
Затоа, најдобро е да се држите до препорачаната доза од околу 150 грама што одговара на количина од околу 20 цреши. Освен што содржат витамини и минерали, содржат и влакна, целулоза, органски киселини, протеини и јаглехидрати.
Црешите содржат шеќер со низок гликемиски индекс кок нашиот организам полека го апсорбира поради што ова овошје е погодно за дијабетичари. Освен за јадење, црешите може да ги користите за правење сокови, сладолед, овошни салати и освежителни колачи.