Сите сме љубители на слатката храна. Ретко кој од нас може да одолее на торти, колачи, пудинг, чоколатца. Но, ваквата слатка храна содржи многу шеќер, ароми, боја за храна. Полна е со калории, а со многу малку хранливи вредности. Што ќе случи во нашето тело доколку го намалите внесот на шеќер?
Природните шеќери кои се содржат во овошјето се добри за вашето здравје, меѓутоа рафинираниот шеќер не. Доколку го исфрлите од вашата исхрана и го замените со стевија, јаворов сируп или мед, ќе забележите многу позитивни промени во телото.
Откако ќе го намалите внесот на шеќер во вашето тело ќе се случи една од овие две работи:
1. Доколку во вашата исхрана доминирале преработена храна, сокови, газирани пијалаци и шеќер, и понатаму ќе бидете во фазата на детоксикација.
Шеќерот создава зависност, па во првата недела ќе чувствувате голема потреба за слатка храна, ќе бидете нервозни и ќе имате зголемен апетит.
Овие потешкотии ќе се намалат откако ќе помине првата недела.
2. Доколку и претходно сте преферирале храна богата со протеини, влакна и здрави масти, по 7 дена ќе се чувствувате одлично. Ќе бидете поактивни и ќе ви се поправи расположението.
Што ќе се случи по 1 месец, а што по 1 година?
Доколку издржите без чоколадо, ќе се намали потребата за слатка храна, а ќе се зголеми потребата за протеини и зеленчук.
Доколку издржите 1 година, значително ќе ви се подобри здравјето. Телото ќе се прилагоди на здравата храна и ќе ослабете. Ќе забележите и промени на кожата и ќе бидете порасположени.
