Ако не ви е јасно зошто уште не е прогласен победник на претседателските избори во САД 2020, не сте единствените.
Изборниот систем во САД многу се разликува од нашиот, но исто така треба да се нагласи дека ова се едни од најнеизвесните избори во САД досега.
Водечките медиуми во САД различно известуваат за бројот на гласови од Избирачкиот колеџ што досега ги има освоено Џо Бајден. Така, Fox News тврди дека лидерот на Демократите има 238, додека CNN објави дека поранешниот потпретседател на Америка собрал 220 гласови. Од друга страна, и Fox News и CNN велат дека актуелниот претседател Доналд Трамп, засега, има 213.
Американскиот изборен систем е посебен - секоја сојузна држава во зависност од бројот на жители има одреден број т.н. електорски гласови. За победа се потребни 270 од вкупно 538 гласа во Изборниот колеџ.
Повеќето држави се наклонети кон едната или другата партија, така што фокусот е обично на десетина држави каде што не може со сигурност, врз основа на традицијата, да се одреди за кого би гласале. Овие држави се познати како неодлучни или одлучувачки држави и токму тие секогаш го одлучуваат победникот.
Резултатите од претседателските избори во САД следете ги во живо ТУКА.