Фабрика која произведува чоколадо измисли четврт тип кој не припаѓа на групата млечни, црни и бели чоколади, и ова е првиот нов тип на природно чоколадо во последните 80 години.
Швајцарскиот гигант на пазарот на чоколадо, „ Barry Callebaut“, го дебитираше своето ново чоколадо направено од семката на руби-какао и со тоа пронајде нов начин да направи природно чоколадо.
Чоколадото преовладува со „моќен, на моменти овошен вкус, кој не е горчлив, сладок ниту млечен, туку е тотално ново искуство за сетилата“, велат од компанијата.
Од фабриката велат дека доживувањето на новиот тип на чоколадо е прашање на вкус и свесни се дека можеби нема да му се допаѓа секому. Сепак е охрабрувачки фактот дека чоколадото е измислено од најголемиот произведувач на чоколадни и какао производи во светот.