Токио, 22 септември 2019 (МИА) – Силен тајфун денеска тргнал кон североисточниот дел на Јапонија до островот Хоншу, откако погодил делови од јужните острови со силен дожд и ветрови кои предизвикале поплави.
Тајфунот Тапах денеска помина во близина на Нагасаки, откако претходна два дена погоди други делови на јужна Јапонија, вклучувајќи ја и Окинава.
Јапонската метеоролошка агенција соопшти дека тајфунот се движи североисточно со брзина од 30 километри на час, со максимална брзина на ветрот од 162 километри на час.
Агенцијата предупреди на обилни дождови, поплави и можни свлечишта до утре во западниот дел на Јапонија.
Поради тајфунот Тапах во Јапонија се откажани стотици летови, а се очекува невремето да предизвика слични нарушувања во воздушниот сообраќај кога денеска подоцна ќе дојде и до Јужна Кореја.
