Вулканот Етна, еден од највисоките и најактивни во Европа, еруптираше исфрлајќи „фонтана“ од лава.
Ноќното небо над Сицилија беше осветлено од ерупцијата, со видлив црн чад и пепел. Активноста е забележана на југоисточниот кратер на вулканот, на висина од 3.329 метри, пренесе RT.
Оваа активност би можела да означи почеток на нов циклус зголемени изливи на лава во следните денови и недели, што не е баш најсреќна вест за локалните жители.
„Фонтаната“ од лава била временски пократка, но проследена е со сеизмичка активност која траела околу два часа.
Некои сведоци на настанот успеаја да доловат спектакуларни фотографии од ерупцијата.
