Босанската престолнина попладнево ја погоди силно невреме проследено со пороен дожд и силни грмотевици.
Нешто пред 19 часот небото над Сараево се отвори и пороен дожд ги поплави улиците на босанската престолнина. Нешто повеќе од 20 минути траеше дождот проследен со гласни громови. Во еден краток момент паѓаше и град.
Некои улици, особено оние под мостовите, се целосно под вода поради обилните врнежи, поради што сообраќајот во некои делови од градот е во прекин.
Балканот од вчера е зафатен од влажен бран кој дожд донесе и во земјава.
