Силно невреме проследено со снег и дожд ја зафати територијата на Шпанија.
Поради снегот, многу патишта се непроодни, три лица го загубија животот, а во пет провинции е прогласена вонредна состојба со најголеми мерки на претпазливост, пишува El País.
Двајца мажи загинаа, еден во областа Астурија, а друг во областа Кастиња, додека во Гандија, Валенсија, денеска загина жена.
Поради лошото време, некои патишта се затворени, како и пристаништата Валенсија и Гандија. Во 194 општини во регионот Валенсија училиштата беа затворени.
На Twitter, шпанските аеродромски власти соопштија дека аеродромот „Аликанте“, поради силниот ветер, денеска ќе биде затворен. На 15 јануари, пак, на тој аеродром имаше пожар.