Синот на познатиот Стив Ирвин реши да тргне по неговите стапки.
Покрај тоа што се занимава со фотографија, 15-годишниот Роберт Ирвин ужива да работи со животни и секое слободно време го поминува во Австралиската зоолошка градина каде е во контакт со некои опасни видови.
На својот Twitter профил тој објави фотографија како го храни крокодилот Мареј, исто како татко му Стив пред 15 години.
Истото место, истиот крокодил, различен Ирвин.
Стив Ирвин почина во септември, 2006 година кога при снимање на ТВ-емисија прими смртоносен убод од морска ража.
Беше познат како „Ловец на крокодили“ и ќе остане запаметен како човекот кој ја доближа дивината до обичниот народ.
Целиот живот го посвети на изучување и помагање на животните, а таа љубов ја пренесе на неговите деца, синот Роберт и ќерката Бинди.