Обвинителот Гаврил Бубевски од СЈО изјави дека градоначалникот на општина Гази Баба, Тони Трајковски, обвинет во ТНТ, добил 3 уредни покани за исказ во СЈО, но не се појавил ниту еднаш. Дополнително, СЈО тврди дека Трајковски често патува и дека набрзо му истекува мандатот.
Адвокатот на одбраната, Боро Тасевски, вели дека во оваа фаза Советот на Кривичниот суд не го оценил обвинителниот акт за да може да бара притвор.
Вели дека не е водена контрадикторна постапка пред Основен 1 и дека нема утврдено основано сомнение за сторени кривични дела.
Инаку, Трајковски се товари за 2 кривични дела, со минимална казна до 5 години.
Адвокатите бараат да се укине мерката со која му е одземен пасошот.
Трајковски пред судиите изјави: „Нема да ја попречувам постапката. Тука сум, подготвен да одговорам на сите покани“. „Ја доставив целата документација до СЈО за објектот Космос“.
Тој се пожали дека не ги добиле списите навреме. Бил во ситуација да даде одбрана без да ги види актите.
