Оваа година означи крај на љубовта за некои славни парови кои јавноста навикна да ги гледа заедно. Некои од нив со години беа во врска, но годинава одлучија да стават крај и секој да продолжи по својот пат.
Шон Мендес и Камила Кабељо
Музичарите Шон Мендес и Камила Кабељо по две години врска ставија крај на љубовната приказна и соопштија дека ќе останат блиски пријатели. Парот се запозна во 2014 година, додека Камила беше дел од групата Фифт Хармони. Врската ја почнаа во јули, 2019 година по снимањето на спотот за песната „Señorita“.
Џиџи Хадид и Зејн Малик
На почетокот на ноември Џиџи Хадид и Зејн Малик соопштија дека раскинаа, откако наводно Зејн физички ја нападнал мајката на Џиџи, Јоланда Хадид.
Врската ја почнаа во 2015 година, а прекинаа три години подоцна. Се смирија во 2019 година, а заедно имаат ќерка.
Илон Маск и Грајмс
Кон крајот на септември Илон Маск потврди дека тој и пејачката Грајмс повеќе не се заедно. Тој соопшти дека сè уште се сакаат и гледаат и се во одлични односи. Заедно имаат едногодишен син.
Бил и Мелинда Гејтс
Светот беше шокиран во мај по веста за разводот на Бил и Мелинда Гејтс, по 27 години брак. Заедно имаат три деца, како и фондација која помага за решавање на различни светски проблеми.
Џенифер Лопес и Алекс Родригес
Кон средината на април Џенифер Лопеc и Алекс Родригес објавија дека се разделуваат.
„Сфативме дела сме подобри како пријатели и среќни сме што тоа и ќе останеме“, објавија во соопштение.
Џенифер подоцна почна врска со старо-новата љубов Бен Афлек.
Ким Кардашијан и Кање Вест
Во февруари годинава, по 5 години брак славниот пар објави дека се разведува. Заедно имаат четири деца, а моментално преговараат околу заедничко старателство.