Масовното тестирање на новиот коронавирус во Словачка го намали бројот на новозаразени лица за 60 отсто во една недела, во комбинација со карантинот и другите рестриктивни мерки.
– Со примерот на Словачка видовме силен доказ дека масовното тестирање во комбинација со карантинот доведе до драстично намалување на бројот на заболени од COVID-19, изјави англискиот професор Стивен Флаш.
Словачка бесплатно го тестираше речиси целото население (околу пет милиони жители) во краток рок.
Инфицираните лица, заедно со цело семејство беа ставени во 10-дневна изолација, а вработените, иако во изолација зедоа цела плата. На лицата со негативни тестови им беше дозволено да одат на работа, но не можеа да одат во домовите за стари лица, а студентите не можеа да се вратат дома за празниците.