Словенија од денеска ќе дозволи авиосообраќај за меѓународни патници, откако осум недели овој сектор беше во застој поради пандемијата со коронавирус, соопшти словенечката Влада.
„Забраната за меѓународни летови од ЕУ и други земји кон словенечките меѓународни јавни аеродроми не е веќе потребна“, стои во соопштението од Владата.
Понатаму се додава дека во изминативе недели се преземале бројни мерки во авиосекторот со цел да се заштити јавното здравје.
Словенија досега има пријавено 1.460 случаи на заболени од COVID-19 и 102 смртни случаи.
Fraport Slovenia, компанијата која управува со најголемиот словенечки аеродром во Њубњана, а е во сопственост на германската Fraport AG Frankfurt, ја поздрави одлуката, но рече дека повеќето авиокомпании ги одложиле летовите кон и од Љубљана до крајот на мај.
„Без разлика дали ќе има нешто деновиве, вие обезбедете сѐ што е потребно за да се осигура безбедно рестартирање на патничкиот сообраќај“, стои во соопштението од Fraport.
Пред да бидат воведени рестриктивните мерки, аеродромот во Љубљана ја поврзуваше Словенија со бројни дестинации, главно европски. Товарниот авиосообраќај не престана со работа.
Владата додаде дека авионите од странство нема да смеат да слетуваат на помалите локални аеродроми низ Словенија до 12 јуни.
Од средината на март во Словенија беа затворени сите училишта, барови, ресторани, хотели, продавници (освен за храна и лекови) и беше суспендиран јавниот превоз.
Воведен беше и задолжителен седумдневен карантин за повеќето луѓе кои влегуваа во земјата.