Државниот обвинител од Удине, Антонио де Николо, е изненаден од смртта на фудбалерот на Фиорентина, Давиде Астори, кој почина утрово на 31-годишна ворзаст, во сон.
Тој бил најден мртов во неговата хотелска соба откако не се појавил на појадокот со тимот и не се јавувал на телефон.
„Се претпоставува дека играчот починал од срцев удар. Тоа е чудно да му се случи на професионален спортист чие здравје е внимателно следено и немало знаци за предупредување“, рекол обвинителот.
Поради смртта на италијанскиот репрезентативец одложени се денешните мечеви од Серија А, а се шпекулира дека ќе биде поместен и првиот меч од финалето меѓу Јувентус и Милан кој е закажан за 13 март.
Фиорентина првично соопшти дека фудбалерот “ненадејно се разболел“. Претседателот на клубот Андреа дела Вале рече дека Астори утре требало да потпише нов договор со кој „доживотно“ ќе се врзеше за Фиорентина.
Сопругата на Астори била известена за неговата смрт лично од претставници на клубот, додека неговите родители кои живеат во Бергамо, биле информирани телефонски.
Фановите во Фиренца ставаат шалови, цвеќиња и пораки на оградата на стадионот во чест на прерано починатиот фудбалер.