На социјалните мрежи се шири една навистина невообичаена снимка на која се гледа како фитнес инструкторка спроведува секојдневна тренинг рутина, додека во позадина се случува државниот удар во Мјанмар.
Инструкторката ја снима рутината на вежбање пред Парламентот во земјата и се стекна со слава бидејќи несвесно во позадина ги долови првите моменти од драматичниот воен пуч во Мјанмар.
Вчера војската прогласи вонредна состојба и изведе државен удар против цивилната влада на Аунг Сан Су Ќи која е уапсена на денот кога пратениците требаше да се вратат во парламентот.
На неверојатната снимка направена во главниот град, инструкторката Кинг Нин Ваи изведува традиционална фитнес рутина додека војската со воени возила се движи кон парламентот.
