Најдобриот фудбалер на Тотенхем, Сон Хјон-мин, одговори на прашањето кои според него се најголемите спортисти на сите времиња, а неговиот избор предизвика големо внимание, бидејќи изостави многу големи имиња.
Овој 31-годишен напаѓач од Јужна Кореја стави четири имиња на листата на најголеми спортисти во историјата, меѓу кои еден кошаркар, еден НФЛ играч и двајца фудбалери.
„Мајкл Џордан, Том Брејди, Лионел Меси и Кристијано Роналдо“, изјави Сон.
Интересно е што Сон не именуваше ниту еден атлетичар, а особено интригира тоа што освен што не го наведе Новак Ѓоковиќ, не му најде место ниту на најбрзиот човек на сите времиња - Усаин Болт. Ги нема ниту пливачот Мајкл Фелпс, боксерот Мухамед Али, голферот Тајгер Вудс, кошаркарот Коби Брајант, хокеарот Вејн Грецки, како и фудбалската легенда Пеле.
Сон сега е капитен на Тотенхем, преземајќи ја лентата од заминатиот Хари Кејн. Досега сезонава постигна 5 гола на 7 натпревари, без асистенција.
Во клубот од Лондон е од 2015 година и досега има постигнато 150 голови со 80 асистенции. Претходно настапуваше за Баер Леверкузен и Хамбургер.
За репрезентацијата на Јужна Кореја има 113 натпревари и 37 голови