Сон Хјон-мин (31) одби голем број понуди од Саудиска Арабија да остане во Тотенхем и да игра во Премиер лигата.
Летово доби неколку понуди од тамошните клубови, а Ал Итихад му ја претстави најдобрата. По Карим Бензема и Н’Голо Канте, овој клуб го сакаше и Сон, но Кореецот не се согласи. Тој објасни и зошто.
„Точно е дека парите се исто така важни, но пред сè сакам да играм фудбал. Отсекогаш сум сонувал да играм во Премиер лигата и имам уште многу да постигнам овде. Со нетрпение ја очекувам новата сезона. Имав многу проблеми во последната. Значи, ова не беше Сони што го знам, сакам да докажам оваа сезона дека сум Сони што сите го знаеме одамна“, рече Сон и додаде:
„Сакам да си го докажам тоа и сакам да му дадам нешто на клубот во кој припаѓам. Очигледно многу луѓе одат таму (Саудиска Арабија op.a) ова лето, што е навистина, навистина интересно, но за мене е сон да играм во Премиер лигата и со нетрпение ја очекувам оваа сезона“.
Сон дојде во Тотенхем од Баер во 2015 година и заедно со Хари Кејн со години е еден од клучните играчи на клубот. Минатата сезона постигна 14 гола, но самиот истакнува дека ова не е настап од кој може да биде задоволен.
