Филмот „Sonic the Hedgehog 2“ премиерно заработи одлични 71 милион долари на домашниот бокс-офис, давајќи надеж дека публиката почна да се враќа во киносалите.
Филмот се најде на првото место на бокс-офисот во САД и во Канада, пред „Morbius“ и „Ambulance“ на Мајкл Беј, чија премиера се најде на четвртото место со разочарувачки 8.7 милиони долари.
На интернационално ниво, „Sonic 2“ заработи 70 милиони што значи дека глобално заработката е 141 милиони долари. Филмот чини 90 милиони долари.
На второто место се најде „Morbius“ со Џеред Лето и заработка од 10.2 милиони долари. По две недели прикажување, филмот заработи 57 милиони во Северна Америка и 69.3 на интернационално ниво.
Романтичната акциона авантура „The Lost City“ со Сандра Булок и Ченинг Тејтум се најде на третото место со заработка од 9.2 милиони долари.