Бизарни снимки дојдоа од британската метропола каде обид за шега или отишол предалеку или излегол од контрола.
На снимките на кои е настан кој наводно се одвивал во четвртокот вечерта во лондонскиот супермаркет Asda се гледа како насилник облечен во костим на Spiderman напаѓа припадничка на понежниот пол вработена во маркетот. Жена прво ја удира со нога, а потоа со бокс ја нокаутира.
Лажниот Spiderman потоа предизвикува масовна тепачка во супермаркетот, а во главна улога е повторно тој откако со стап мава по кој стигне.
Според The Daily Mail, инцидентот почнал кога групата Live Madness Replays сакала да сними шега за своите канали на Instagram и TikTok. Очигледно нешто не се одвивало по сценариото.
Полицијата усапсила петмина, а соопшти и дека шест луѓе биле повредени во настанот.
Групата од порано е позната по своите упаѓања на јавни места и предизвикување метеж, но ова е прв пат тоа да се претвори во насилство.