Товарен брод денеска се судри со брод што ископува песок во водите крај Манила, главниот град на Филипини, предизвикувајќи страв од излевање нафта, соопшти Крајбрежната стража.
Бродот Palawan Pearl се судрил со бродот BKM 104 што плови под кипарско знаме, во Заливот Манила, на околу 100 метри од плажата Басеко. Во несреќата нема повредени членови на екипажот, се додава во соопштението.
Според член на екипажот, Palawan Pearl пренесувал 3.000 литри дизел гориво, 60 литри моторно масло и пет литри обично масло.
BKM 104 врши ископувања на наталожен песок и врши други активности во областа, соопшти Крајбрежната стража.
Испратени се силите на Крајбрежната стража за заштита на морскиот жив свет за да го спречат излевањето гориво околу Palawan Pearl, кој е до половина потопен по несреќата.
