Мерките за претпазливост кои СЈО ги побара за лицата обвинети во случаите „Таргет“ и „Тврдина“, повторно се одбиени од Кривичен суд. Одбиен е притвор за поранешниот шеф на УБК, Сашо Мијалков, а покрај него и притворот побаран за Горан Грујоски и Тони Јакимовски.
Судот донесе одлука со која ги обврзува обвинетите еднаш неделно да се јавуваат на надлежно службено лице во судот, а со тоа им се одземени и патните исправи.
Судиите кои одлучувале по барањата за притвор поднесени од Специјалното јавно обвинителство за случаите „Титаник“ и „Таргет“ и Тврдина“ биле Ивица Стефановски и Горан Бошевски.
