Исходот од резултатите во САД се ближи кон расплет, а демократскиот кандидат Џо Бајден е сè поблиску до победа над актуелниот претседател, републиканецот Доналд Трамп.
Тајната служба, задолжена за безбедноста на американските претседатели, испрати тим агенти кои дополнително ќе ги засилат безбедносните мерки околу Бајден.
Бајден вчера порача дека сите гласови мора да бидат избројани, а Трамп повика прес-конференција во Белата куќа, во која уште еднаш изнесе обвинување за изборна кражба, без конкретни докази за тоа. Тој порача дека „ако се бројат само легалните гласови, тогаш победата е негова“.
Трамп ги освои Флорида и Охајо, Монтана, Ајдахо, Вајоминг, Севeрна и Јужна Дакота, Канзас, Оклахома, Индијана, Тенеси, Алјаска, Јужна Каролина.
Бајден има предност во Аризона, а победи во Висконсин, Мичиген, Мејн, Ајова, Вашингтон, Колорадо, Њуј Мексико, Орегон, Калифорнија,Њујорк, Њу Хемпшир.
Разликата во гласови сега е помала од 700. Трамп има 2.448.138 гласови, а Бајден 2.447.518 гласови или разлика од 665 гласови.