Легендарниот боксер Мајк Тајсон ја спореди употребата на стероиди во боречките спортови со обид за убиство.
Тајсон не поддржува употреба на стероиди во боречки спортови и вештини затоа што се плаши дека тоа може да резултира со смрт. Неговите коментари во еден подкаст следеа откако Жан Паскал остана без WBA титулата затоа што користеше разни супстанции за да ги подобри перформансите пред да се бори со Бадау Џек на 6 јуни.
„Не сум против стероиди и такви работи, кога се користат на правилен начин. Но, стероидите не треба да се користат во спортови каде што луѓето физички се борат. Може да послужат ако сакате побрзо да трчате или пливате, што било без физички контакт. Но, ако удриш човек, тоа е обид за убиство“, беше јасен Тајсон.