Додека чекаме цела година за да се заврши реконструкција на едно мало парченце од Партизанска во Скопје кое до ден денес дреме недовршено, Кинезите во меѓувреме направија цела пруга за 9 часа.
Кинеските работници уште еднаш ги демонстрираа своите неверојатни способности, успевајќи да ги поврзат трите големи железнички пруги Ганлонг, Генруилог и Жанглонг со новата Нанлонг.
Работите на новата железничка пруга Нанлонг почнале на 19-ти јануари вечерта и биле завршени веќе наредниот ден. за ова време, била поставена и неопходната сигнализација и опремата за надзор на состојбата на пругата.
Проектот е завршен во рекордно време благодарение на стратегијата работниците да се поделат во седум единици за симултано да извршуваат различни работи. Кај нас, еден би работел додека петорица би го гледале со рацете во џебови.
