Филм & ТВ

Тамара Котевска: Би го спасила „Медена земја“ од апокалипса

13. февруари 2020 - 12:02 | АЛЕКСАНДРА СПАСЕСКА

Режисерката Тамара Котевска направи кратко интервју за организацијата зад Европските филмски награди, како дел од сегментот „Моите три минути со EFA“.

Ко-режисерката на документарецот кој доби две номинации за Оскар и беше номиниран за наградата European Film Academy Documentary Award - Prix Arte (меѓу бројните номинации и награди), одговара на неколку интересни прашања поврзани со филмот и нејзините лични искуства поврзани со филмската уметност.

Котевска, која го ко-режираше „Медена земја“ со Љубо Стефанов, одговара на прашања како „Кој е совршениот филм за на љубовен состанок?“ и „Кој филм ти извршил најголемо внимание?“.

Интересен е одговорот на Котевска на прашањето „Ако можеш да спасиш само еден филм од апокалипса, кој филм би го спасила?“

„Ќе морам да го спасам мојот. Не бидејќи е мој, туку поради пораката што ја пренесува. Новата цивилизација ќе треба да научи дека треба да земе пола, а пола да ѝ врати на природата“, вели Котевска.

Коментирај