Едно лице загина, а уште 20 побарале медицинска помош во битолската болница, откако се судрија автомобил со комбе кое превезувало работници.
Несреќата се случила на излезот од Битола кон Демир Хисар. Пожарникари од Битола го извлекле загинатиот од возилото.
Од дваесетте лица кои побарале помош, ниту едно не е во критична состојба.
Од Обвинителството известуваат дека јавен обвинител од ОЈО Битола извршил увид на лице место заедно со вешто лице.
„Издадени се наредби за прибирање на траги од лице место и проверка на крв и урина на возачите. Се постапува за расчистување на причините за несреќата“, додаваат од Обвинителството.