Во најинтересниот натпревар од вчерашната програма во Лигата на шампионите, Баерн Минхен ја победи Барселона со 3:0.
Со тоа германскиот шампион го заврши натпреварувањето во групата Е со сите шест победи, додека Барселона не ја мина групата првпат од ноември 2000 година.
Резултатската криза во Барселона продолжи, а историски дебакл каков што не е забележан веќе 21 година. Анализирајќи го натпреварот, Томас Милер се обиде да даде свое видување за денешната Барселона и нејзиниот пораз, што почна да се испишува токму со неговиот гол во 34. минута. Потоа забија и Лерој Сане и Џамал Мусиала.
Дијагнозата на Милер
По натпреварот, Милер изјави дека Барселона има играчи кои технички се на нивото на Баерн, а потоа ја нагласи разликата меѓу двата клуба.
„Мое мислење е дека Барселона не може да го следи интензитетот на играта. Имаат сѐ, технички и тактички тие се одлични играчи, но не можат да се справат со интензитетот на фудбалот на врвно ниво“, рече Милер.
