Во вториот викенд од прикажување, „Top Gun: Maverick“ со Том Круз во главната улога, заработи неверојатни 86 милиони долари во Северна Америка.
Благодарение на позитивните рецензии и добриот прием кај публиката, филмот успеа да се задржи на врвот на бокс-офисот. На интернационалниот бокс-офис, филмот заработи 257 милиони долари, односно 548 на глобално ниво.
На второто место се најде „Doctor Strange in the Multiverse of Madness“ со заработка од 9.3 милиони долари, односно импресивни 389 милиони на домашниот пазар и неверојатни 909 милиони глобално, по прикажување од пет недели. Филмот не е прикажан во Кина и во Русија, кои се двата најголеми интернационални пазари.
На третото место остана „The Bob’s Burgers Movie“ на Disney и на 20th Century, со заработка од 4.5 милиони долари.
